काठमाडौं । नेपाली बजारमा नयाँ सिमेन्ट उद्योग स्थापना भएको छ । गुणस्तरीय सिमेन्ट उत्पादन गर्ने उद्देश्यका साथ शौर्य सिमेन्ट इण्डष्ट्रिजले आफ्नो उत्पादन र विक्री वितरण शुरु गरेको हो ।
सिराहाको मिर्चैयामा अवस्थित यस कम्पनीले ओपीसी, पीपीसी, पीएससी र लो अल्कली ४३ र ५३ ग्रेडको गरेर जम्मा चार थरिका गुणस्तरीय सिमेन्टहरु उत्पादन गर्दछ ।
जसमध्ये लो अल्कली सिमेन्ट उत्पादन गर्ने शौर्य सिमेन्ट नेपालमा नै पहिलो कम्पनी रहेको छ । यसले दैनिक ७००० बोरा सहित ३५०० मेट्रिकटन उत्पादनको क्षमता राख्दछ जसले देशभरिको बजार माग सजिलै धान्न सक्दछ ।
शौर्यले सिमेन्ट उत्पादनमा गुणस्तरीय कच्चा पदार्थको प्रयोग गर्दछ । यसको मुख्य कच्चा पदार्थको स्रोत उदयपुरको सुन जस्तो चुनढुङ्गा खानी रहेको छ । यस चुनढुङ्गामा एलुमिना र मेग्रिजियमको मात्रा एकदम कम रहेको हुनाले यसबाट उत्पादित क्लिन्कर उच्च गुणस्तरको रहने पाइन्छ । यसलाई उत्खनन् गरी ‘फोर्थ जेनेरेशन सेपरेटर’को सहायतामा सर्वाेकृष्ट गुणस्तरको सिमेन्टमा रुपान्तरण गरिन्छ ।
शौर्य सिमेन्ट इण्डष्ट्रिजमा नेपालको एक मात्र ‘अल्काली रिडक्शन’ प्रविधि जडित प्रक्रिया रहेको छ । जहाँ अल्काली बाइपास सिस्टमको प्रयोग भएका कारण सिमेन्टमा ऋल्काली को मात्रा कम हुन्छ जसकारण निर्माणमा स्थाइत्व कायम रहन्छ । यसैगरी यसले ग्राइण्डिङ्ग प्रक्रियामा भर्टिकल रोलर मेसिन प्रयोग गर्दछ, जुन सबैभन्दा उन्नत र उर्जा बचत गर्ने प्रविधि रहेको छ ।
साथै यस सिमेन्ट इण्डष्ट्रिजमा अन्तराष्ट्रिय स्तरको रोबोटिक ल्याब रहेको छ । जहाँ बिना कुनै मानवीय त्रुटि, स्वचालित रोबोटिक आमले गुणस्तरका एकरुपता कायम गरी उच्च गुणस्तरीय तथा बेस्ट क्वालिटी सिमेन्ट उत्पादन गर्न मद्दत गर्दछ ।
यस सिमेन्टको लक्ष्य मुलुकको ७७ वटै जिल्लामा सरल डिलरसिप मार्फत आफ्नो सेवा सुविधा पुर्याउने रहेको छ भने अहिले विस्ताको क्रममा रहेको छ । हाल यसको पहुँच देशका प्रमुख शहरहरुसम्म पुगिसकेको छ ।