काठमाडौ । नागरिक लगानी कोष र आरोग्य निलायम मल्टिस्पेशलिष्ट पोलिक्लिनिक एण्ड डाइग्नोष्टिक सेन्टर प्रालि (नयाँबानेश्वर) बीच स्वास्थ परीक्षणमा छुट दिने सम्झौता भएको छ ।
कोष र डाइग्नोष्टिक सेन्टरबीच कोषका कर्मचारी, कर्मचारीका परिवार एवं कोषका कार्यक्रमरुमा सहभागी र उनीहरुको परिवारलाई स्वास्थ्य परीक्षणमा छुट दिने सम्झौता भएको हो ।
बुधबार कोषका कार्यकारी निर्देशक रमण नेपाल र डाइग्नोष्टिक सेन्टरका अध्यक्ष एवं प्रमुख कार्यकारी अधिकृत डा.राजेश देवले सम्झौतापत्रमा हस्ताक्षर गरे ।
सम्झौता अनुसार डाइग्नोष्टिक सेन्टरमा कोषका कर्मचारी र उनीहरुको परिवारका सदस्यलाई ल्याब सेवामा ३० प्रतिशत, दशैं तिहारमा ल्याब सेवामा ४० प्रतिशत, घरमै नमूना संकलनको सुविधा, अल्ट्रा साउण्ड र इसिजिमा २०/२० प्रतिशत पाउनेछन् ।
यसैगरी, माइनर अपरेशनमा १५ प्रतिशत, चिकित्सक परामर्शमा १५ प्रतिशत, वर्षमा एक पटक फुल बडी परीक्षणमा ५५.५६ प्रतिशत र मुख्य अप्रेशन गर्न साझेदार हस्पिटलमा विशेष छुटको व्यवस्था गरिएको छ ।
त्यसैगरी कोषका सहभागी र उनीहरुको परिवारका सदस्यहरुलाई ल्याब सेवामा २५ प्रतिशत, दशै र तिहारमा ल्याब सेवामा ३५ प्रतिशत, घरमै नमूना संकलनको सुविधा, अल्ट्रा साउन्ड र इसिजिमा १५ प्रतिशत, एक्सरेमा १५ प्रतिशत, माइनर अपरेसनमा १० प्रतिशत, चिकित्सक परामर्शमा १० प्रतिशत एवं मुख्य अपरेशन गर्न साझेदार हस्पिटलमा विशेष छुट दिने सम्झौतामा उल्लेख छ ।
यस सम्झौताले कोषमा विभिन्न योजनाहरुमा सहभागि भएका योगदान कर्ताहरुले लाभ लिन सक्ने छन ।
