काठमाडौं । नेपाल राष्ट्र बैंकले ५ रुपैयाँ दरको ३५ करोड थान नयाँ नोट छाप्ने भएको छ ।
राष्ट्र बैंकले एक सूचना जारी गर्दै ५ रुपैयाँको १ अर्ब ७५ करोड रुपैयाँ बराबरको नोट छपाइका लागि अन्तर्राष्ट्रिय बोलपत्र आह्वान गरेको हो ।
यसका वैशाख २८ गते प्रि-बिडिङ गरिने राष्ट्र बैंकले जनाएको छ । इच्छुक कम्पनीले जेठ २१ गते १२ बजेसम्म गोप्य बोलकबोल पेस गर्नुपर्ने छ ।
बोलकबोलको पेश गर्दा २ करोड १० लाख रुपैयाँ बराबर धरौटी राख्नुपर्ने छ ।
