काठमाडौं । चन्द्रागिरि हिल्सले ‘इभिनिङ केबलकार अफर’ ल्याएको छ । कम्पनीले चन्द्रागिरि घुम्न जाने पर्यटकलाई लक्षित गर्दै यस्तो अफर ल्याएको हो ।
यस अफर अनुसार अब चन्दगिरि केबलकारको टिकट २०० रुपैयाँमा पाइने भएको छ । हरेक शुक्रबार बेलुका ५ बजेदेखि ९ बजेसम्म केबलकारको टिकट २०० रुपैयाँमा पाइने कम्पनीले जनाएको छ ।
अरु बेला भने केबलकारको टिकटको नियमित नै रहने कम्पनीले बताएको छ । हाल चन्द्रागिरि केबलकारको एकतर्फी टिकट मूल्य ४७५ रुपैयाँ र दुईतर्फीको ७९९ रुपैयाँ रहेको छ ।
कम्पनीले चाडपर्व तथा विशेष दिनहरुमा विभिन्न अझर ल्याउँदै आएको छ । कम्पनीले काठमाडौंको चन्द्रागिरिमा लक्जरी रिसोर्ट, केबलकारसहित विभिन्न पर्यटकीय सेवा संचालन गर्दै आएको छ ।
