काठमाडौं । नेपाल राष्ट्र बैंकले चालु आर्थिक वर्ष २०८१/८२ को मौद्रिक नीति पारित गरेको छ । शुक्रबार बिहान बसेको सञ्चालक समिति बैठकले चालु आवको मौद्रिक नीति पारित गरेको हो ।
बोर्डबाट पारित भएसँगै मध्याह्न सवा १२ बजे राष्ट्र बैंकको नवनिर्मित भवन बालुवाटारबाट गभर्नर महाप्रसाद अधिकारीले वाचन गर्नेछन् ।
मौद्रिक नीति शिथिल अर्थतन्त्र चलायमान बनाउने गरी केही लचिलो बनाइएको छ । मौद्रिक नीतिमा निजी क्षेत्रका धेरै अपेक्षा भए पनि मुख्य समस्या सम्बोधन गरिएको बताइएको छ । मुख्य गरी निर्माण क्षेत्र, घरजग्गा, सेयर बजारमा गरिएका कडाइ केही खुकुलो बनाइएको छ । त्यसैगरी, प्रणालीमा थुप्रेर बसेको तरलता लगानीका लागि सहजीकरण गरिने छ ।
