काठमाडैं । आफ्नै घर बनाउन वा खरिद गर्न चाहने ग्राहकहरुलाई लक्षित गर्दै सानिमा बैंकले “सानिमा प्रथम घर कर्जा” को विशेष कर्जा सुविधा योजना ल्याएको छ । यो सुविधा अन्तर्गत आवासीय घर बनाउन लाग्ने निर्माण खर्चको अधिकतम १००% सम्म बैंकले कर्जा उपलब्ध गराउने छ ।
यस योजना अन्र्तगत ऋणीका लागि अधिकतम लगानी, अधिकतम कर्जा अवधि, सुलभ ब्याजदर तथा कर्जा सेवा शुल्कमा भारी छुट जस्तो आकर्षक सुविधा प्रदान गर्ने छ ।
साथै ऋणीलाई बजारमा हुने उतार चढावबाट सुरक्षित गर्न “सानिमा प्रथम घर कर्जा” अन्तर्गत कर्जा प्रवाह गर्दा निर्धारित ब्याजदर कर्जा अवधिको सुरुवाती समयको लागि यथावत् राखिने छ ।
आवासीय घर निर्माण वा खरिद गर्न चाहने सबैले यस योजनाको आकर्षक फाइदा तथा बैंकको अन्य सरल कर्जा सुविधाको लाभ लिन सक्नेछन् । यो घर कर्जा देशभर रहेका बैंकका शाखाहरुबाट उपलब्ध हुने बैंकले जनाएको छ ।
बैंकले हाल देशभरका ७९ वटा शाखा, १ एक्सटेन्सन काउन्टर तथा ७५ वटा एटीएमबाट बैंकिङ्ग सेवा प्रदान गर्दै आएको छ ।
