काठमाडौं । नेपाल बैंकले ६० औं वार्षिक साधारण सभा पुस २५ गते बोलाएको छ । बैंकको साधरण सभा एपीएफ क्लब हलचोकमा हुनेछ ।
बैंकले साधारण सभामा २३ वर्षपछि वितरण गर्न लागेको २५ प्रतिशत लाभांश पारित गर्ने प्रस्ताव मुख्य एजेन्डाको रुपमा लैजाने भएछ । बैंकले १५ प्रतिशत बोनश शेयर र १० प्रतिशत नगद लाभांश दिने प्रस्ताव गरेको थियो ।
बैंकले प्रस्ताव गरेको लाभांश नियामक निकाय नेपाल राष्ट्र बैंकबाट स्वीकृत भइसकेको लाभांश अब साधारण सभाबाट पारित भएपछि शेयरधनीले लाभांश पाउनेछन् ।
साधरण सभा प्रयोजनको लागि बैंकले पुस १३ गतेलाई बुकक्लोज मिति तोकेको छ । तसर्थ पुस १२ गतेसम्म कायम रहने सेयरधनीले मात्र लाभांश पाउनेछन् ।
हाल बैंकको चुक्ता पूँजी ९ अर्ब ८१ करोड रूपैयाँ छ भने बोनस वितरणपछि ११ अर्ब २८ करोड २८ लाख रुपैयाँ पुग्नेछ।
