दार्चुला । नेपाल-चीन सीमानाका तिंकर आवागमनका निम्ति खुलेसँगै सिमाक्षेत्र वरपर व्यापारीको चहलपहल बढेको छ ।
बुधबार व्यास गाउँपालिका-१ छाङ्रुका १५ र तिंकरका १२ गरी २७ जना व्यापारी उक्त नाकाहुँदै चीनको स्वशासित क्षेत्रतर्फ प्रस्थान गरेका प्रमुख जिल्ला अधिकारी यज्ञराज जोशीले जानकारी दिए ।
चीन प्रवेशका लागि दार्चुलाका १८७ जनाले अनुमति लिएका छन् । कोरोनाकालदेखि बन्द रहेको तिंकरनाका हालै खुलेको हो ।
नाकामा अन्य स्थानीय व्यापारी र चिनियाँ नागरिक बीच स्थानीय उत्पादन तथा दैनिक उपभोग्य सामग्री खरिदबिक्री भएको छ ।रासस
