काठमाठौं । तनहुँको बन्दीपुरमा निर्माण भएको बन्दीपुर केबलकार भोलि (जेठ ३१ गते)देखि व्यावसायिक संचालनमा आउने भएको छ ।
बन्दीपुर केबलकार एण्ड टुरिजम प्रालिले एक सूचना जारी गर्दै भोलिदेखि केबलकार व्यवसायिक संचालनमा आउने जानकारी गराएको हो ।
यो केबलकार वैशाख १ गतेबाट आंशिक रूपमा सञ्चालन हुँदै आएको थियो । बन्दीपुर गाउँपालिका–४ ठूल्ढुङ्गामा तल्लो स्टेशन र सोही वडाको बरालथोकमा टप स्टेशन रहेको यो केबलकार १ हजार ७०० मिटर लामो छ ।
कम्पनीले व्यावसायिक सुरूवात गरेको अवसरमा सीमित समयका लागि ६० प्रतिशत छुटको अफर समेत सार्वजनिक गरेको छ।
केबलकारमा २१ डिब्बा यात्रु बोक्ने, ६ डिब्बा रेष्ट्रो क्याबिन र दुई एड्भेन्चर गरी २९ वटा डिब्बा छन् । एक डिब्बामा आठ जनासम्म यात्रु बस्नसक्ने क्षमताको छ । एड्भेञ्चर डिब्बा भने अन्य डिब्बाको तुलनामा फरक किसिमको ९सिसैसिसाको र आधुनिक किसिमबाट निर्माण गरिएको० छ ।
प्रति घण्टा ५०० जना यात्री बोक्न सक्ने क्षमता रहेको यस केबलकार विभिन्न सिफ्ट गरेर दैनिक बिहान ६ बजेदेखि राति ११ बजेसम्म चल्नेछ।
बन्दीपुरमा ठूलो सङ्ख्यामा आउने पर्यटकलाई लक्ष्य गर्दै केबलकारसँगै रेष्ट्रोकार र तारेस्तरसम्मका होटल निर्माण गरिएको छ ।
पृथ्वीराजमार्गमा रहेको बटम स्टेशनबाट बन्दीपुरमा निर्माण गरिएको सत्रतले होटलभित्रै केबलकार पुगेर टुङ्गिनेछ । बटम स्टेशनको भवन अन्य केबलकारको भन्दा फरक किसिमको टर्मिनल भवन रहेको छ । सोही भवनमा भिआइपी लन्च, ओपन रेष्टुरेन्ट (टुरिष्ट कोच), अतिथि स्वागतलगायत कार्य एउटै भवनबाट हुनेछ ।
एशियाकै ठूलो भनिएको यहाँको सिद्धगुफा र हरियाली डाँडाको मनोरमदृश्य अवलोकन गर्दै उक्त केबलकारबाट यात्रा गर्न सकिनेछ ।
