काठमाडौं । सुनको मूल्यले इतिहासकै महँगोको रेकर्ड बनाएको छ ।
नेपाल सुनचाँदी व्यवसायी महासङ्घका अनुसार बिहीबार छापावाल सुनको मूल्य तोलामा १८०० रुपैयाँले बढेर १ लाख ४४ हजार रुपैयाँ पुग्दै नयाँ रेकर्ड बनाएको हो ।
नेपाली बजारमा यो अहिलेसम्मकै उच्च हो । यसअघि जेठ २२ गते छापावाल सुनको मूल्य सर्वाधिक १ लाख ४२ हजार ७०० रुपैयाँ पुगेको थियो ।
त्यस्तै, आज तेजावी सुनको मूल्य १ लाख ४३ हजार ३०० रुपैयाँ निर्धारण भएको छ ।
अन्तर्राष्ट्रिय बजारमा मूल्य आकाशिएसँगै नेपाली बजारमा पनि सुनको भाउ अचाक्ली बढेको हो । बिहीबार विश्व बजारमा सुनको भाउ प्रतिऔंस २३५४.८८ डलरमा कारोबार भइरहेको छ ।
यस्तै, चाँदीको मूल्यमा प्रतितोला २५ रुपैयाँ बढेर १ हजार ८५० रुपैयाँ पुगेको छ ।
