काठमाडौं । सुनको मूल्यले इतिहासकै महँगोको रेकर्ड बनाएको छ । पछिल्लो समय दिनदिनै जसाे नयाँ रेकर्ड बनाउँदै आएको सुनको मूल्यले आज फेरि नयाँ कीर्तिमान बनाएको हो ।
नेपाल सुनचाँदी व्यवसायी महासङ्घका अनुसार आइतबार छापावाल सुनको मूल्य तोलामा १६०० रुपैयाँले बढेर १ लाख ४० हजार ९०० रुपैयाँ पुग्दै नयाँ रेकर्ड बनाएको हो ।
नेपाली बजारमा यो अहिलेसम्मकै उच्च हो । यसअघि जेठ ३ गते छापावाल सुनको मूल्य सर्वाधिक १ लाख ४० हजार २०० रुपैयाँ पुगेको थियो ।
त्यस्तै, आज तेजावी सुनको मूल्य १ लाख ४० हजार रुपैयाँ निर्धारण भएको छ । अन्तर्राष्ट्रिय बजारमा मूल्य आकाशिएसँगै नेपाली बजारमा पनि सुनको भाउ अचाक्ली बढेको हो । आइतबार विश्व बजारमा सुनको भाउ प्रतिऔंस २३८७.२२ डलरमा कारोबार भइरहेको छ ।
यस्तै, चाँदीको मूल्यमा प्रतितोला १९१० रुपैयाँ पुग्दै नयाँ रेकर्ड बनाएको छ ।
