काठमाडौं । सिटी होटल लिमिटेडको नोक्सानी घटेको छ । कम्पनीले सोमबार सार्वजनिक गरेको चालु आव २०८०/८० को तेस्रो त्रैमासको अपरिष्कृत वित्तीय विवरण अनुसार होटल १५ करोड ३७ लाख रुपैयाँ नोक्सानीमा रहेको छ ।
जबकी गत वर्ष यही अवधिमा सिटी २१ करोड ६१ लाख रुपैयाँ नोक्सानीमा थियो । पछिल्लो समय पर्यटकीय गतिविधिमा सुधार आएसँगै कम्पनीको आम्दानी बढ्दा नोक्सानी घटेको हो ।
समीक्षा अवधिमा कम्पनीको कुल आम्दानी २२.९३ प्रतिशतले बढेर ४२ करोड ७ लाख रुपैयाँ पुगेको छ । यस्तै, कम्पनीको संचालन नाफा आम्दानी १३.१५ प्रतिशतले बढेर ३७ करोड २ लाख रुपैयाँ पुगेको छ ।
समीक्षा अवधिमा कम्पनीको कुल खर्च १७.७२ प्रतिशतले बढेर २८ करोड २२ लाख रुपैयाँ पुगेको छ ।
हाल १ अर्ब ६७ करोड चुक्ता पूँजी रहेको होटलको अन्य इक्वीटी ९ करोड ४३ लाख रुपैयाँ ऋणात्मक छ ।
नोक्सानी घटेसँगै कम्पनीको प्रतिसेयर आम्दानीमा पनि सुधार आएको छ । गत वर्ष १९.१३ रुपैयाँ ऋणात्मक रहेको कम्पनीको प्रतिसेयर अहिले आम्दानी १२.२४ ऋणात्मक छ ।
यस अवधिमा कम्पनीको प्रतिसेयर नेटवर्थ ९४.३६ रुपैयाँ छ ।
