काठमाडौं । एनएमबी बैंकले पुस २४ गते बिहीबार २४ औं वार्षिक साधारण सभा बोलाएको छ । बैंक संचालक समितिको मंगलबार बसेको बैठकले सो निर्णय गरेको हो ।
सभामा बैंकले गत वर्षको नाफाबाट वितरण गर्ने ३५ प्रतिशत लाभांश पारित गर्ने मुख्य एजेन्डाको रुपमा लैजाने भएको छ । बैंकले आर्थिक वर्ष २०७५/७६को नाफाबाट सेयरधनीलाई २१ प्रतिशत बोनस सेयर र कर प्रयोजनसहित १४ प्रतिशत नगद लाभांश दिने प्रस्ताव गरेको छ ।
साधारण सभा प्रयोजनको लागि बैंकले पुस ४ गतेलाई बुक क्लोज मिति तोकेको छ । तसर्थ पुस ३ गतेसम्म कायम रहने सेयरधनीहरुले साधारण सभामा भाग लिन तथा नगद लाभांश प्राप्त गर्न सक्नेछन्।
बैंकको हाल चुक्ता पूँजी ११ अर्ब ५२ करोड ९७ लाख ४१ हजार ७०७ रुपैयाँ रहेको छ भने बोनस वितरण पछि १३ अर्ब ९५ करोड ९ लाख ८७ हजार ४६५ रुपैयाँ पुग्नेछ ।
