लक्ष्मी बैंकले ७ प्रदेशका लागि उपयुक्त भिसा कार्ड डिजाइनको खुल्ला प्रतियोगिताको घोषणा गरेको छ । यो प्रतियोगिताको मुख्य उद्धेश्य भनेकै सातै प्रदेशका मौलिक कला, संस्कृती र विषेशता झल्किने र त्यसको परिचय दिने डिजाइनको खोजी हो । यस प्रतियोगिताले ग्राहकहरुलाई उत्कृष्ट ब्राण्ड एक्स्पेरियन्स समेत प्रदान गर्ने लक्ष्य बैंकको छ ।
डिजाइन मौलिक, अद्वितीय एवं कपिराइट उलंघन नभएको हुनुपर्ने छ । प्रस्तुत प्रतियोगितामा नेपाली नागरिक वा कानूनी रुपमा नेपालमा दर्ता भएको कम्पनीले सहभागिता जनाउन सक्नेछन् । कार्ड डिजाइन गर्दा प्रदेशको मौलिककला, सँस्कृती वा प्राकृतिक सुन्दरता झल्किएको हुनुपर्ने छ । कन्सेप्ट फोटो, पेन्टिङ्ग वा ग्राफिक इलसट्रेशन मार्फत पेश गर्न सकिनेछ ।
प्रत्येक विजयी कन्सेप्टले नगद पुरस्कार स्वरुप ५० हजार प्राप्तगर्न सक्नेछन । यसरी ७ प्रदेशको लागि कूलनगद पुरस्कार ३ लाख ५० हजार प्रदानगरिने छ । विजेताको घोषणा गर्ने अन्तिम निर्णय लक्ष्मी बैंकमा निहीत रहने छ भने छनौट भएमा उक्त डिजाइनको सर्वाधिकार बैंकसँगै रहने छ । प्रतियोगीहरुले आफ्नो डिजाइन जुलाई महिनाको ३१ तारिख सम्ममा बैकंको वेबसाइट मार्फत बुझाउनु सक्नेछन् ।
