काठमाडौं । कामना सेवा विकास बैंकको खुद नाफामा उल्लेख्य सुधार आएको छ । बैंकले बिहीबार सार्वजनिक गरेको चालु आर्थिक वर्ष २०८०/८१ को दोस्रो त्रैमासको अपरिष्कृत वित्तीय विवरण खुद नाफा ३२.१९ प्रतिशतले बढेको हो ।
बैंकले पुस मसान्तसम्म २५ करोड ८९ लाख १९ हजार रुपैयाँ खुद नाफा कमाएको छ । यो गत वर्षको सोही अवधिको तुलनामा ६ करोड ३१ लाख रुपैयाँ बढी हो । बैंकले गत वर्ष सोही अवधिमा १९ करोड ५८ लाख ७१ हजार रुपैयाँ खुद नाफा कमाएको रुपैयाँ खुद नाफा कमाएको थियो ।
समीक्षा अवधिमा बैंकको खुद ब्याज आम्दानी घटे पनि कमिसन र संचालन आम्दानी बढ्दा नाफामा सुधार आएको हो ।
यस अवधिमा बैंकको खुद ब्याज आम्दानी ६.२४ प्रतिशतले घटेर ९५ करोड ८८ लाख रुपैयाँमा सीमित भएको छ । बैंकको सञ्चालन नाफा भने ३२.२४ प्रतिशतले बढेर ३७ करोड रुपैयाँ पुगेको छ ।
समीक्षा अवधिमा बैंकले ५६ अर्ब २९ करोड रुपैयाँ निक्षेप संकलन गरी ४३ अर्ब ९८ करोड रुपैयाँ कर्जा प्रवाह गरेको छ । हाल ३ अर्ब २८ करोड चुक्ता पूँजी रहेको बैंकको रिटेन्ड अर्निङ १७ अर्ब ४५ लाख र जगेडा कोषमा १ अर्ब ५१ करोड रुपैयाँ सञ्चित छ । समीक्षा अवधिमा बैंकको वितरणयोग्य नाफा १७ करोड ४५ लाख रुपैयाँ रहेको छ ।
खुद नाफासँगै बैंकको प्रतिसेयर आम्दानी पनि बढेको छ । गत वर्ष १२.७४ रुपैयाँ रहेको बैंकको प्रतिसेयर आम्दानी ३.०४ रुपैयाँ बढेर १५.७८ रुपैयाँ पुगेको छ ।
समीक्षा अवधिमा बैंकको प्रतिसेयर नेटवर्थ १५१.६१ रुपैयाँ, खराब कर्जा ३.४२ प्रतिशत, बेसरेट ११प्रतिशत र सीडी रेसियो ८०.४१ प्रतिशत रहेको छ ।
