काठमाडौं । नेपाली बजारमा सुनको मूल्यले इतिहासमै महँगोको रेकर्ड बनाएको छ ।
नेपाल सुनचाँदी व्यवसायी महासंघका अनुसार बिहीबार छापावाल सुनको भाउ प्रतितोला १३०० रुपैयाँले बढेर १ लाख २२ हजार रुपैयाँ पुग्दै नयाँ रेकर्ड बनाएको हो ।
यो नेपाली बजारमा अहिलेसम्मकै महँगो हो । यसअघि मंसिर १८ गते प्रतितोला १ लाख २१ हजार ६०० रुपैयाँ पुगेको थियो ।
महासंघका अनुसार आज तेजावी सुनको भाउ पनि प्रतितोला १३०० रुपैयाँ बढेर १ लाख २१हजार ४०० रुपैयाँ पुगेको छ ।
अन्तर्राष्ट्रिय बजारमा सुनको भाउ बढेसँगै नेपाली बजारमा पनि आकाशिएको हो । आज अन्तर्राष्ट्रिय बजारमा भने सुन प्रतिऔंस २ हजार ०८०.८१ अमेरिकी डलरमा कारोबार भइरहेको छ।
आज चाँदी प्रतितोला १ हजार ४९० रुपैयाँमा कारोबार भइरहेको छ ।
