काठमाडौं । एनआइसी एशिया बैंकले निक्षेपको ब्याजदर घटाएको छ । बैंकले पुस १ गतेदेखि लागू हुने गरी व्यक्तिगत र संस्थागत दुवै मुद्दती निक्षेपको ब्याजदर घटाएको हो । बैंकले मंसिरमा पनि निक्षेपको ब्याजदर घटाएको थियो ।
एनआइसीले पुसका लागि व्यक्तिगत मुद्दती निक्षेपमा अधिकतम ८.६७ प्रतिशत ब्यादर तोककेको छ । व्यक्तिगततर्फ ३ महिनादेखि ६ महिनासम्मको ब्याजदर ७ प्रतिशत, ६ देखि ९ महिनासम्म ७.५ प्रतिशत, ९ महिनादेखि १ वर्षसम्मको ७.७५ प्रतिशत, २४ महिनादेखि १८० महिनासम्मको ८.६७ प्रतिशत ब्याजदर तोकेको छ ।
त्यसैगरी, संस्थागततर्फ न्यूनतम ६ देखि ९ महिनासम्मको ५.५ प्रतिशत र २४ देखि १८० महिनासम्मको अधिकतम ६.६७ प्रतिशत ब्याजदर दिने भएको छ ।
बैंकले मंसिरका लागि व्यक्तिगत मुद्दती निक्षेपमा अधिकतम ८.९६८ प्रतिशत र संस्थागत मुद्दती निक्षेपमा ६.९६८ प्रतिशत ब्याज दिइरहेको छ ।
