काठमाडौं । आइएमई जनरल इन्स्योरेन्सको नायव प्रमुख कार्यकारी अधिकृतमा शरण रेग्मी नियुक्त भएका छन् । इन्स्योरेन्सको संचालक समितिले कम्पनीमा नायव महाप्रन्धक पदमा कार्यरत उनलाई मंसिर १० गतेदेखि लागू हुनेगरी सो पदमा नियुक्त गरेको हो ।
बीमा तथा वित्त क्षेत्रलाई नजिकबाट नियालेका रेग्मीले उक्त क्षेत्रको सूक्ष्म अध्ययन गरी सहायक स्तरबाट आफनो सेवा शुरु गरी विभिन्न पद र विभागमा काम गर्दै आएका छन् । उनीसँग विगत २७ वर्षदेखि निर्जीवन बीमा तथा वित्त क्षेत्रमा कार्यरत रेग्मीसँग विभिन्न संस्थामा काम गरेको लामो अनुभव छ ।
उनीसँग तत्कालिन एनआईडिसी क्यापिटल (हाल सनराईज क्याटिल) मा २ वर्ष, युनाईटेड इन्स्योरेनस (नेपाल)मा ७ वर्ष, सगरमाथा इन्स्योरेन्समा ८ वर्ष, सिद्धार्थ डेभलपमेण्ट बैंकमा ६ वर्ष र आइएमई जनरलमा ४ वर्ष काम गरेको अनुभव रहेको छ ।
