काठमाडौं । टाटा जेन्युइन पार्टस् र टाटा मोटर्स जेन्युइन आयलको नेपालका लागि आधिकारिक वितरक सिप्रदी अटो पार्टस् र नबिल बैंकबीच सहकार्य गर्ने सहमति भएको छ ।
सिप्रदी अटोपार्टस्का वरिष्ठ महाप्रबन्धक युवराज बुढाथोकी र नबिल बैंकका एसएमई तथा माइक्रोफाइनान्स प्रमुख अमित श्रेष्ठले सिप्रदी कम्पनीका प्रमुख कार्यकारी अधिकृत राजनबाबु श्रेष्ठ र टाटा मोटर्सका इन्टरनेशनल बिजनेस हेड राकेश मित्तलको विशेष उपस्थितिमा उक्त सम्झौतामा हस्ताक्षर गरेका हुन् ।
सम्झौता अनुसार नबिल बैंकले टाटाको जेन्युइन पार्टपुर्जा र टाटा मोटर्स जेन्युइन आयलका खुद्रा बिक्रेताहरूलाई सस्तो र सहज वित्तीय सुविधा उपलब्ध गराउने भएको छ ।
अर्थतन्त्रमा आएको संकटका कारण नाजुक अवस्थामा पुगेका खुद्रा बिक्रेताहरूलाई यो सम्झौताले सहज बनाउने विश्वास लिइएको छ ।
