काठमाडौं । नेपाल राष्ट्र बैंकले सेयर धितो कर्जाको जोखिमभार पुनरावलोकन गर्ने भएको छ । आइतबार चालु आर्थिक वर्ष २०८०/८१ का लागि मौद्रिक नीति सार्वजनिक गर्दै राष्ट्र बैंकले यस्तो घोषणा गरेको हो ।
‘सेयर धितो कर्जा, रियल स्टेट कर्जा तथा हायर पर्चेज कर्जाका विद्यमान जोखिम भारसम्बन्धी व्यवस्था पुनरावलोकन गरिने छ,’ मौद्रिक नीतिमा भनिएको छ ।
सेयर लगानीकर्ताले लामो समयदेखि सेयर धिर्ता कर्जामा लगाइएको १२ करोडको सीमा र जोखिमभार घटाउन माग गर्दै आएका थिए । हाल सेयर धितो कर्जाको जोखिमभार १५० प्रतिशत रहेकोछ ।
