काठमाडौं । सरकारले सार्वजनिक यातायातको भाडादर समायाेजन गरेकाे छ । नेपाल आयल निगमले डिजेलरपेट्रोलको मूल्य घटाएसँगै यातायात व्यवस्था विभागले सार्वजनिक सवारीको भाडा समायाेजन गरेकाे हो ।
निगमले आइतबार रातिदेखि स्वचालित मूल्य प्रणाली लागू गर्दै डिजेलको प्रतिलिटर ४ रुपैयाँ र पेट्रोलको प्रतिलिटर ६ रुपैयाँ भाउ घटाएको थियो ।
विभागले सोमबारदेखि नै लागू हुने गरी सार्वजनिक सवारीको भाडा घटाएको हो । विभागका अनुसार यात्रुबाहक सवारीको भाडादर २.१३ प्रतिशत घटाइएको छ ।
त्यस्तै, मालबाहक सवारीमा पहाडी बाटोमा संचालन हुने मालबाहकतर्फ २.७८ प्रतिशत र तराईमा संचालन हुने मालबाहकको भाडादर ३.०९ प्रतिशतले घटाइएको विभागले जनाएकाे छ ।
समायोजन भएको भाडादर अन्तर प्रदेशमा सञ्चालन हुने सवारीमा लागू हुने विभागले जनाएको छ ।
