काठमाडौं । नेपाल आयल निगमले हवाई इन्धनको मूल्य घटाएसँगै हवाई भाडा घटेको छ ।
निगमले मंगलबार आन्तरिक हवाई इन्धनको मूल्य प्रतिलिटर १० रुपैयाँ घटाएसँगै नागरिक उड्डयन प्राधिकरणले इन्धन शुल्क (फ्युल सरचार्ज) घटाइ हवाई भाडा समायोजन गरेको हो ।
प्रतिलिटर १६० रुपैयाँ रहेको हवाई इन्धनको भाउ ६ प्रतिशत घटाएर १५० रुपैयाँमा झारेपछि प्राधिकरणले सोही आधारमा हवाई भाडा घटाएको हो ।
प्राधिकरणका अनुसार मूल्य समायोजनपछि हवाई भाडा न्यूनतम ९० रुपैयाँदेखि अधिकतम ५४० रुपैयाँसम्म घटेको छ । जसमा विराटनगर–नेपालगन्ज रुटमा सबैभन्दा धेरै ५४० रुपैयाँ घटेको छ ।
त्यस्तै, काठमाडौं–धनगढी ४४५, काठमाडौं–सुर्खेत ३४५, विराटनगर–पोखरा ३५५, पोखरा भद्रपुर ४०५, विराटनगर भैरहवा ३९५ रुपैयाँ घटेका छ ।
काठमाडौँबाट हुने पर्वतीय उडान (माउन्टेन फ्लाइट)को भाडा ३४० रुपैयाँ घटेर अधिकतम भाडा ५ हजार १५० रुपैयाँ कायम भएको छ ।
