काठमाडौं । इन्डियन आयल कर्पोरेशन (आइओसी)ले नेपाल आयल निगमलाई पेट्र्रोलियम पद्धार्थको नयाँ मूल्यसूची पठाएको छ ।
आइओसीबाट बिहीबार प्राप्त खरिद मूल्यसूची अनुसार पेट्रोलमा प्रतिलिटर २.०४ रुपैयाँ र डिजेलमा २.११ रुपैयाँ भाउ बढेर आएको निगमले जनाएको छ ।
हवाई इन्धन र खाना पकाउने एलपी ग्यासको मूल्य भने घटेर आएको छ । हवाई इन्धन प्रतिलिटर ७ रुपैयाँ र एलपी ग्यास प्रतिसिलिण्डर ४९ रुपैयाँ घटेर आएको छ ।
अन्तर्राष्ट्रिय बजारमा पेट्र्रोलियम पदार्थको मूल्य बढेसँगै आइओसीले पनि निगमलाई भाउ बढाएर पठाएको हो ।
अन्तर्राष्ट्रि बजारमा हुने घटबढ अनुसार आइओसीले हरेक १५/१५ दिनमा निगमलाई नयाँ मूल्य सूची पठाउने गरेको छ ।
