काठमाडौं । पशुपति क्षेत्र विकास कोषले पसल, पार्किङ लगायतले सम्झौता अनुसार बुझाउनु पर्ने बक्यौता ३ दिन भित्र बुझाउन समय सीमा दिएको छ ।
सो अवधिमा समेत बक्यौता नबुझाए कानुन अनुसार कालोसूचीमा राखेर चल अचल सम्पत्ति जफत गर्ने कोषले चेतावनी दिएको छ ।
भण्डारखाल, अमालकोट कचहरी, लामपोखरी चाबहिल, सुमार्गी भवन क्षेत्रका पसल कवलहरूले बक्यौता तिरेका छैनन्।
त्यस्तै,भण्डारखाल, उमाकुण्ड र वनकालीस्थित बी ११ मा रहेका पार्किङ व्यवस्थापकले सम्झौता अनुसार रकम नतिरेको कोषले जनाएको छ।
कोषले यसअघि सूचना जारी गरेको थियो । तर अझै पनि केहीले बक्यौता नतिरेपछि ३ दिनभित्र कोषको आय लेखा व्यवस्थापन शाखामा रकम बुझाउन चेतावनीसहित सूचना जारी गरेको हो।
