काठमाडौं । सार्वजनिक यातायातको भाडादर पनि घटेको छ । सरकारले डिजेलको मूल्य घटाएसँगै यातायात व्यवस्था विभागले गाडी भाडा पनि घटाएको हो ।
बुधबार यातायात व्यवस्था विभागले सूचना जारी गर्दै अन्तरप्रदेश चल्ने यात्रीवाहक र मालवाहक सवारीसाधनको भाडादर घटाएको हो ।घटेको भाडा जेठ ३ गतेदेखि लागू हुने विभागले जनाएको छ ।
नेपाल आयल निगमले मंगलबार रातिदेखि लागू हुने गरी डिजेलको मूल्य प्रतिलिटर १० रुपैयाँ घटाएको थियो ।
सार्वजनिक यात्रुवाहक सवारीसाधनमा ३.२० प्रतिशत प्रतिशत, पहाडी बाटोमा सञ्चालन हुने मालवाहक सवारीसाधनमा ४.१९ प्रतिशत र तराईको बाटोमा सञ्चालन हुने मालवाहक सवारीसाधनमा ४.६५ प्रतिशतले भाडा घटाइएको यातायात व्यवस्था विभागले जनाएको छ ।
कहाँ पुग्न कति लाग्छ भाडा ?
