काठमाडौं । नेपाल राष्ट्र बैंकले चालु आर्थिक वर्षको मौद्रिक नीतिको तेस्रो त्रैमासिक समीक्षा गरेको छ ।
शुक्रबार राष्ट्र बैंकले मौद्रिक समीक्षा गर्दै ब्याजदर घटाउने नीति लिएकेा छ । बजारमा ब्याजदर घटाउन राष्ट्र बैंकले बैंकदर १ प्रतिशत विन्दुले घटाएको हो ।
हाल ८.५ प्रतिशत रहेको बैंकदर घटाएर ७.५ प्रतिशतमा झारेको हो । बैंकदर घटेसँगै निक्षेप तथा कर्जाको ब्याजदर पनि घटाउन सहयोग पुुग्छ ।
‘मौद्रिक नीतिको अंकुशको रुपमा रहेको नेपाली र भारतीय मुद्राबीचको स्थिर विनिमयदर र बाह्य क्षेत्रतर्फको चालु खाता पूर्ण रुपमा परिवत्र्य रहेको सन्दर्भमा विदेशी विनिमय सञ्चितिले आयात धान्न सक्ने क्षमता, मौद्रिक नीतिका उद्देश्यहरु कोसम्भावित परिदृश्य, छिमेकी देशको नीतिगत दर र दुवै मुलुकबीच कायम रहेको मुद्रास्फीतिबीचको अन्तरलाई मध्यनजर गरी नीतिगत दरलाई ७ प्रतिशतमा यथावत राख्दै विद्यमान बैंक दरलाई १ प्रतिशत बिन्दुले घटाई ७.५ प्रतिशत कायम गरिएको छ । ब्याजदर करिडोरअन्र्तगतका अन्य दरहरुलाई यथावत
राखिएको छ,’ मौद्रिक नीतिको तेस्रो त्रैमासिक समीक्षामा भनिएको छ ।
यस्तै, राष्ट्र बैंकले ८.५ प्रतिशतको बैंकदरमा उपलव्ध गराउँदै आएको दैनिक तरलता सुविधालाईअब ७ प्रतिशतमा उपलब्ध गराउने व्यवस्था गरेको छ । यसले अन्तरबैंक ब्याजदरमा १.५ प्रतिशत बिन्दुले कमी आउने छ ।
यस्तै राष्ट्र बैंकले बैंक तथा वित्तीय संस्थाले ऋणपत्रलाई कर्जा-निक्षेप अनुपात गणना गर्ने पाउने व्यवस्थालाई २०८० पुस मसान्तसम्म निरन्तरता दिएको छ।
