काठमाडौं । एकैपटक ५ बैंककाे संस्थापक (प्रमोटर) सेयर लिलामीमा ल्याएका छन् ।
आजदेखि प्राइम कमर्शियल, एक्सेल डेभलपमेन्ट बैंक, महालक्ष्मी विकास बैंक, कामना सेवा विकास बैंक र ग्लोबल आइएमई बैंककाे प्रमोटर सेयर विक्रीमा आएका हुन् ।
यी बैंकका विद्यमान संस्थापकहरूले आफ्नो नाममा रहेको सेयर लिलामीमार्फत बेच्न लागेका हुन् । ५ बैंकको कुल साढे २७ लाख कित्ता सेयर लिलामीमा आएको हो ।
कुनको कति ?
प्राइम कमर्सियल बैंकको १९ लाख १५ हजार कित्ता संस्थापक सेयर लिलामीमा आएको छ । बैंकको सेयरमा व्यक्तिगत जो कोही व्यक्तिगत लगानीकर्ता, कम्पनी वा संस्थाहरूले वैशाख १३ गतेसम्म आवेदन दिन सक्नेछन् ।
इच्छुक लगानीकर्ताले न्यूनतम मूल्य प्रतिकित्ता १३५ रुपैयाँ नघटाई आफूले लिन चाहेको सेयर संख्या र मूल्य खुलाइ आवेदन दिनुपर्नेछ । लगानीकर्ताले कम्तीमा १ लाख कित्ताका लागि आवेदन दिनुपर्नेछ । बैंकको लिलामी प्रबन्धक प्रभु क्यापिटल लिमिटेड रहेको छ ।
त्यसैगरी, एक्सेल डेभलपमेन्ट बैंकको २७ हजार ७१८ कित्ता, महालक्ष्मी विकास बैंकको १ लाख ८५ हजार कित्ता, कामना सेवाको २ लाख ४४ हजार ९५४ कित्ता र ग्लोबल आइएमई बैंकको ५ लाख कित्ता सेयर लिलामीमा आएको हो ।
ग्लोबल आइएमई बैंकले न्यूनतम भाउ प्रतिकित्ता १३५ रुपैयाँ तोकेको छ भने एक्सेल, कामना सेवा र महालक्ष्मीले न्यूनतम मूल्य तोकेका छैनन् ।
यी बैंकको लिलामीमा आएको सेयर किन्न चाहले लगानीकर्ताले आजको ३५ दिन भित्र सम्बन्धित ठाउँमा आवेदन दिइसक्नुपर्नेछ ।
तोकिएको मिति भित्र हालका संस्थापक सेयरधनीहरूले आवेदन नदिए त्यसपछि सर्वसाधरणका लागि विक्री खुला गरिनेछ ।
