काठमाडौं । सेयर बजारमा गिरावट आएको छ । आइतबार २ अंकले घटेको नेप्से आज दोहोरो अंकले घटेको हो ।
सूचकमा उच्च गिरावट आए पनि कारोबार रकम भने स्थिर रहेको छ । आज पनि ९२ कराेड बढीको सेयर किनबेच भएको छ ।
सोमबार सेयर बजार मापक सूचक नेप्से २३.६४ अंकले घटेर १९०८.०४ बिन्दुमा आइपुगेको छ । यसदिन २६७ कम्पनीको ३१ लाख ४४ हजार ५७३ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचक राताम्मे भएको छ । फाइनान्स समूहको परिसूचक सबैभन्दा धेरै १.८२ प्रतिशतले घटेको छ ।
आज अरुण भ्याली हाइड्रोपावरको सर्वाधिक कारोबार भएको छ । यसको ७ करोड रुपैयाँ बढीको सेयर किनबेच भएको छ । त्यस्तै, शिवम् सिमेन्ट ४ करोड र एनआइसी एशिया बैंक३ करोडको कारोबार हुँदै शीर्ष तीनमा रहे ।
दोहोरो अंकले घटेको बजारमा पनि आज ३ कम्पनीको सेयर मूल्यमा पोजेटिभ सर्किट लागेको छ । आदर्श लघुवित्त, कालिञ्चोक दर्शन र मोलुङ हाइड्रोपावरको सेयर मूल्य १० प्रतिशतले बढेको छ ।
