काठमाडौं । सिप्रदी ट्रेडिङले नेपाली बजारलाई सुहाउँदोे सवारी साधन ट्रयाकिङ तथा फ्लीट म्यानेजमेन्ट सफ्टवेयर ल्याएको छ ।
सिप्रदीले अन्तर्राष्ट्रिय बजारको भरपर्दो फ्लीट व्यवस्थापन सफ्टवेर कम्पनी लोकोन्याभसँग सहकार्य गर्दै नेपाली बजारमा उक्त सफ्टवेयर ल्याएको हो ।
नेपालमा बढिरहेको निर्माण तथा पूर्वाधारका परियोजनाहरूमा प्रयोग हुने गाडी, फ्लीटहरूको दक्षता र उत्पादकताको व्यवस्थापनको लागि उक्त सफ्टवेयर ल्याइएको सिप्रदी जनाएको छ ।
जीपीएस प्रविधिबाट चल्ने यो सफ्टवेयरको दैनिक प्रयोगले फ्लीट संचालनमा आउने चुनौतीहरूको समाधान प्रयोगकर्ताहरूले तुरुन्तै पाउन सक्नेछन् ।
सिप्रदीका रजिया श्रेष्ठले नेपाली बजारमा लोकोन्याभ सवारी साधन ट्रयाकिङ तथा फ्लीट म्यानेजमेन्ट सफ्टवेयर उपयोही हुने बताए ।
उनले भने, ‘लोकोन्याभ नेपाली बजारमा ल्याएको पाँच महिना भएको छ । लोकोन्याभको बिक्री सुरू गरेको पाँच महिनामा नै यो सफ्टवेयरले ग्राहकहरूको विभिन्न समस्याको एउटा समाधान बन्न सफल हुँदैछ ।’
लोकोन्याभका प्रयोगकर्ताले यसबाट विभिन्न ५ वटा मुख्य फाइदा लिनसक्ने उनले बताए । यस सफ्टवेयरको प्रयोगले व्यवसायको फ्लीटको उत्पादकतामा सुधार, सवारी साधनको सुरक्षा, चालक व्यवहार अनुगमन, सवारी साधनको उचित व्यवस्थापन र विश्लेषणात्मक सुविधाले फ्लीट व्यवस्थापनमा सहजताको अनुभूति जस्ता फाइदा हुनेछ ।
