काठमाडौं । आइएमई जनरल इन्स्योरेन्स र प्रुडेन्सियल इन्योरेन्स बीच मर्जरसम्बन्धी अन्तिम सम्झौता भएको छ ।
गत माघमा एक आपसमा गाभिने प्रारम्भिक सम्झौता गरेका दुई कम्पनीले आइतबार मर्जर सम्बन्धी अन्तिम सम्झौता गरेका हुन् ।
सम्झौतापत्रमा आइएमई जनरल इन्स्योरेन्सका अध्यक्ष हेमराज ढकाल र प्रुडेन्सियल इन्स्योरेन्सका अध्यक्ष विशाल अग्रवालले हस्ताक्षर गरे।
यी दुई कम्पनी बराबरी हैसियत अर्थात् १:१ सेयर अनुपातमा मर्ज हुने भएका हुन् । मर्जरपछि नयाँ बन्ने नयाँ कम्पनीको नाम आइजीआई प्रुडेन्सियल इन्स्योरेन्स हुने जनाइएको छ ।
हाल आइएमई जनरलको चुक्ता पूँजी १ अर्ब ८० करोड भने प्रुडेन्सियलको गत वर्षको नाफाबाट घोषणा गरेको ६.५ प्रतिशत बोनस सेयर वितरणपछि १ अर्ब २५ करोड रुपैयाँ पुग्नेछ । मर्जरपछि नयाँ कम्पनीको एकीकृत चुक्ता पूँजी ३ अर्ब ५ करोड हुनेछ ।
