काठमाडौं । अब सरकारले दिने आकस्मिक सार्वजनिक बिदाका दिनमा पनि बैंक तथा वित्तीय संस्था खोल्नुपर्ने भएको छ ।
नेपाल राष्ट्र बैंकले शुक्रबार क, ख र ग वर्गका बैंक तथा वित्तीय संस्थालाई एकीकृत निर्देशन २०७९ जारी गर्दै आकस्मिब बिदाका दिनमा बैंक तथा वित्तीय संस्था बन्द गर्न नपाइने व्यवस्था गरेको हो ।
यससँगै अब नेपाल राष्ट्र बैंकले जारी गरेको बैंक बिदाको सूचीबाहेक अरु दिन सरकारले बिदा दिए पनि बैंक खोल्नुपर्नेछ । बैंक तथा वित्तीय संस्थाले आकस्मिक बिदा दिएको दिन नगद कारोबार, चेक क्लियरेन्स, आरटीजीएसजस्ता अत्यावश्यक बैंकिङ सेवा नियमित गर्नुपर्ने छ ।
यस्तो बिदाको दिन १० बजेदेखि १ः३० बजेसम्म कार्यालय खुला राख्न समेत राष्ट्र बैंकले समय तोकेको छ ।
