काठमाडौं । नेपाल राष्ट्र बैंकले सिभिल बैंक र हिमालयन बैंकको एक्विजीसनलाई स्वीकृति दिएको छ । राष्ट्र बैंकले शुक्रबार सूचना जारी गर्दै सिभिल बैंक गाभेर हिमालयन बैंकको नाममा कारोबार गर्न स्वीकृति दिएको हो।
योसँगै हिमालयन बैंकले सिभिल बैंकलाई प्राप्ति गरेर ‘हिमालयन बैंक लिमिटेड’ कायम हुने भएको छ । एक्विजीसनपछि दुवै बैंकले हिमालयन बैंकको नाममा यही फागुन १२ गतेदेखि एकीकृत कारोबार गर्ने जनाएका छन् ।
हिमालयन बैंक र सिभिल बैंकबीच १००ः८० कित्ता स्वाप रेसियो अर्थात् सिभिल बैंकको १०० कित्ता सेयर बराबर हिमालयन बैंकको ८० कित्ता सेयर अनुपातमा गाभिन लागेका हुन् ।
