काठमाडौं । काठमाडौंमा रात्रिकालीन व्यवसाय सञ्चालन गर्ने समय लम्ब्याइएको छ । काठमाडौंका प्रमुख जिल्ला अधिकारीको अध्यक्षतामा बसेको जिल्ला सुरक्षा समितिको बैठकले समय तोकेको छ ।
जस अनुसार दोहोरी साँझ राति १२ बजेसम्म र रात्रि क्लबहरु ४ बजेसम्म खोल्न पाइने भएको छ।रक्सी पसलहरु (बोतलबन्दी विक्री हुने मात्र) राति १० बजेसम्म खोल्न पाउनेछन् ।
त्यस्तै रेष्टुरेन्टहरु राति १२ बजेसम्म, डान्स, दोहोरी रेष्टुरेन्ट, लाउन्ज र बारहरु राति २ बजेसम्म सञ्चालन हुन पाउने जिल्ला प्रशासन कार्यालय काठमाडौंले जनाएको छ ।
यस्ता व्यवसायलाई थप सुरक्षित, मर्यादित र व्यवस्थित गर्न समय तोकेको जिल्ला प्रहरी परिसर काठमाडौंले जनाएको छ।
