काठमाडौं । नेपाल राष्ट्र बैंकले ऐन, निर्देशन उल्लंघन गर्ने ९ वाणिज्य बैंक कारबाहीम परेका छन् ।
चालु आर्थिक वर्षको पहिलो त्रैमासमा राष्ट्र बैंकले गरेको अनुसन्धानको क्रममा नियम उल्लंघन गरेको पाइएपछि ९ बैंकलाई कारबाही गरेको हो ।
राष्ट्र बैंक सुपरिवेक्षण विभागका अनुसार बैंक अफ काठमाडौं लिमिटेड र कृषि विकास बैंकलाई नगद जारिवना गरिएको छ भने अन्य बैंकहरुलाई सचेत गराएको छ ।
सम्पत्ति शुद्धिकरणको ऐन र निर्देशनको उल्लंघन गरेको भन्दै कृषि विकास बैंकलाई राष्ट्र बैंकले जरीवाना गरेको हो । प्रभु बैंक, कुमारी बैंक, बीओके र प्राइम कमर्सियल बैंकले रोक्का राख्न निर्देशन दिएका खातामा कारोबार गरेकोले बैंकका सीईओलाई सचेत गराएको जनाएको छ ।
यसैगरी, हिमालयन बैंक, ग्लोबल आइएमइ बैंक, सनराइज र मेगाा बैंकले कर्जा सम्झौता विपरित प्रिमियम बढाएकाले सुपरिवेक्षण विभागले सचेत गराएको छ ।
