काठमाडौं । अन्तर्राष्ट्रिय बजारमा पेट्रोलियम पद्धार्थको मूल्य ह्वात्तै बढेको छ । गतसाता प्रतिब्यारेल ८७ डलर रहेको ब्रेन्ट क्रुड आयलको भाउ बढेर आइतबार )दिउँसो १२ बजेसम्म) झन्डै ९८ डलर पुगेको छ ।
शुक्रबार प्रतिब्यारेल ९४ डलर रहेको ब्रेन्ट क्रुडको भाउ आज प्रतिब्यारेल साढे ३ डलर बढेर ९७.९२ डलर पुगेको छ । एक सातामै ब्रेन्ट क्रुड आयलको भाउ १० डलर बढेको छ ।
त्यस्तै, डब्ल्यूटीआइ क्रुड आयलको भाउ ८३ डलरबाट बढेर ९२ डलर पुगेको छ । एकसातामै यसको पनि भाउ ९ डलरले बढेको छ ।
गत साता तेल उत्पादक देशहरुको समूह (ओपेक)ले दैनिक २० लाख ब्यारेल तेल उत्पादन कटौती गर्ने निर्णय गरेसँगै कच्चा तेलको भाउ बढ्न थालेको हो ।
ओपेकले सन् २०२०मा कोभिड महामारीपछि एकैपटक ठूलो परिमाणमा तेल उत्पादन कटौती गर्ने निर्णय गरेको हो । तेलको घट्दो मूल्य नियन्त्रण गर्न ओपेकले उत्पादन घटाउने निर्णय गरेको बताइएको छ ।
ओपेकको घोषणाले अन्तर्राष्ट्रिय बजारमा तेलको भाउ बढ्ने देखिएको छ । रुस युक्रेन युद्धका कारण बढेको कच्चा तेलको भाउ केही महिना यता घट्दो क्रममा थियो । तर, ओपेकले उत्पादन कटौती गर्ने घोषणा गरेसँगै फेरि बढ्ने देखिएको छ ।
