काठमाडौं । टाटा मोटर्सले विद्युतीय कार उत्पादनमा ह्याट्रीक गर्ने भएको छ । कम्पनीले यसअघि नै नेक्सन र टिगोर मोडल बजारमा ल्याएर आफ्नो बलियो उपस्थिति बनाई सकेको थियो । अब कम्पनीले पहिलो ह्याचव्याक मोडल ल्याउने घोषणा गरेको हो ।
कम्पनीले यसअघि विक्री गर्दै आएको नेक्सन र टिगोर ईभीको तुलनामा ह्याचव्याक मोडल सस्तो हुने अनुमान गर्न सकिन्छ । किन भने नयाँ आउने ह्याचव्याक कार टियागोमा आधारित रहने छ ।
यसअघि बजारमा आएका दुबै नेक्सन र टिगोर जस्तै टियागो पनि ईभी र आइसी दुबै अप्सनमा बजारमा उपलब्ध हुनेछ । टाटाले आज परेको विश्व ईभी दिवसको अवसर पारेर टियागो ईभी घोषणा गरेको हो ।
टाटा मोटर्सले इभी पोर्टफोलीयो विकासका लागि तीन फेजको अप्रोच बनाएको छ । आगामी वर्षहरुमा टाटाले फरक फरक प्रोडक्ट सेग्मेन्ट, बडी स्टाइल र फरक मूल्यमा आधारित रहेर १० वटा ईभी बजारमा ल्याउने लक्ष्य राखेको छ ।
टियागो ईभीमा नेक्सन र टिगोरमा प्रयोग भएकै जीपट्रोन टेक्नलोजी हुनेछ । टाटाले कमर्शियल सेग्मेन्टमा एक्सप्रेस टी टेक्नलोजीको प्रयोग गर्ने गरेको छ ।
टियागो ईभीको एक्टेरियर अहिले विक्री भइरहेको आईसी इन्जिन मोडलभन्दा धेरै फरक हुनेछ । टियागो ईभीमा पनि टाटाको सिग्नेचर ईभी कलरको रुपमा प्रयोग गर्दै आएको टेल व्ल्यू र डेटोना ग्रे कलर हुनेछ । यसका साथै टाटाको टियागो ईभीको इन्टेरियर र एक्टेरियरमा थुप्रै स्थानमा ब्लु एसेन्टको प्रयोग हुनेछ ।
यसमा हुने इन्ट्रुमेन्ट क्लस्टर टिगोर ईभीकै जस्तो हुनेछ । यसको गियर लिभरलाई रोटर नवले रिप्लेस गर्ने छ । यो कारमा टाटाले ब्याट्रीलाई कहाँ प्लेस गर्छ भन्ने जानकारी दिएको छैन ।
