काठमाडौं । काठमाडौं महानगरपालिकाले नबिल बैंकको न्यूरोडमा रहेको शाखा हटाउन निर्देशन दिएको छ ।
महानगरका प्रमुख बालेन्द्र साह (बालेन)ले बेसमेन्टमा रहेको नबिल बैंकको उक्त शाखाको संरचना हटाउन निर्देशन दिएका हुन् ।
अनधिकृत संरचना हटाउन निरीक्षणको क्रममा न्यूरोड पुगेका साहले बेसमेन्टमा कार्यालय संचालन गरेको भेटिएपछि हटाउन निर्देशन दिएका हुन् ।
उक्त सूचना जारी भएको ३५ दिनपछि महानगरका मेयर साह आफैं अवैधानिक रूपमा बनेको संरचना हटाउन सक्रियसाथ लागेका छन् ।
उनले बुधबार बिहान काठमाडौं मल अगाडिको फुटपाथ र पार्किङको लागि भनेर महानगरसँग स्वीकृति लिएर व्यापार हुँदै गरेको स्थान खाली गराउन पुगेका थिए।
