काठमाडौं। नेपाल राष्ट्र बैंकको सञ्चालकमा अर्थसचिव कृष्णहरि पुष्कर नियुक्त भएका छन् ।
कायममुकायम प्रधानन्यायाधीश दिपकुमार कार्की समक्ष पुष्करले बुधबार राष्ट्र बैंकको सञ्चालकका रुपमा सपथ लिएका हुन् ।
अर्थ मन्त्रालयका सचिव राष्ट्र बैंकको सञ्चालक समितीमा पदेन सदस्य हुने व्यवस्था छ । गत बिहीबार बसेको मन्त्रिपरिषद् बैठकले पुष्करलाई अर्थ सचिवमा नियुक्ति गर्ने निर्णय गरेको हो । पुष्कर राजस्व सचिवबाट ६ दिनअघि अर्थसचिवको जिम्मेवारीमा पुगेका थिए ।
