काठमाडौं । सरकारले ठेक्का लिएर काम अलपत्र पार्ने ९ कम्पनीलाई कालोसूचीमा राखेको छ । ठेक्का सम्झौता अनुसार काम नगरेको भन्दै सार्वजनिक खरिद अनुगमन कार्यालयले सोमबार एक सूचना जारी गर्दै ९ निर्माण कम्पनीलाई कालोसूचीमा राखिएको जनाएको हो।
कार्यालयले ती निर्माण कम्पनीलाई सार्वजनिक खरिद ऐन, २०६३ को दफा ६३ को उपदफा (१) बमोजिम १ देखि ३ वर्षका लागि कालोसूचीमा राखेको हो ।
कार्यालयले बालाजु-त्रिशुली र छहरे-विदुर सडक विस्तारको ठेक्का पाएको दिनेशचन्द्र आररनागर्जुनरकोशी एन्ड न्यौपाने जेभी र दाङमा खानेपानी आयोजनाको काम अलपत्र पार्ने शिवराम कन्स्ट्रक्सन कम्पनी र सिद्धगढी इन्जिनियररिङ एन्ड बिल्डर्स जेभीलाई ३ वर्षका लागि कालोसूचीमा राखेको छ ।
त्यसैगरी, अमन एन्ड इसा कन्स्ट्रक्सन, आकाश एन्ड पवन कन्स्ट्रक्सन, ड्रप सप्लाई एन्ड सर्भिसेज प्रालि, थोकर/निभारलयुल जेभीलाई, रुजन/जगदम्बा/भुवनेश्वरी एन्ड भैभव जेभीलाई १ वर्षका लागि कालोसूचीमा राखिएको छ ।
कालोसूचीमा परेका कम्पनीले अब तोकिएको अवधिमासम्म सरकारी निकायको कुनै पनि खरिद तथा निर्माणका कार्यमा भाग लिन पाउनेछैनन् । कालोसूचीमा राख्नुभन्दा अगाडि सम्झौता भएका कार्य भने निरन्तर हुने कार्यालयले जनाएको छ।
