काठमाडौं । सरकारले अन्तर प्रदेश चल्ने सार्वजनिक यातायातमा भाडा वृद्धि गरेको छ । पेट्रोलियम पद्धार्थको मूल्य बढेसँगै यातायात व्यवस्था विभागले सार्वजनिक यातायातको भाडा पनि बढाएको हो ।
नेपाल आयल निगमले गत साता डिजेलको भाउ प्रतिलिटर ९ रुपैयाँ बढाएको थियो । विभागले सोमबारदेखि लागू हुने गरी यात्रुवाहक सवारीसाधनमा १.७९ प्रतिशत भाडा बढाएको हो ।
त्यसैगरी, पहाडी बाटोमा चल्ने मालवाहक सवारीसाधनमा २.३४ प्रतिशत र तराईको सडकमा सञ्चालन हुने मालवाहक सवारीसाधनमा २.६ प्रतिशत भाडा बढाइएको छ ।
वैज्ञानिक भाडा समायोजन प्रणालीमा इन्धनको मूल्य ५ प्रतिशत वा सोभन्दा बढीले घटेमा वा बढेमा स्वचालित रुपमा भाडादर परिवर्तन हुने उल्लेख छ ।
यस्तो छ पछिल्लो पटक बढेको भाडादर
