काठमाडौं । हिमालय र सिभिल बैंक बीच तय भएको मर्जर सम्झौता रोकिएको छ । संचालकहरुको स्वार्थ नमिल्दा शुक्रबार काठमाडौंको एक होटलमा तय गरिएको सम्झौता रोकिएको हो ।
।
यस अघि दुई बैंकका संचालक बीच हिमालयनले सिभिललाई प्रतिकित्ता ८१ को स्वाप रेसियोमा गाभ्ने सहमती भएको थियो । सोही अनुसार शुक्रबार एक्वीजिसनका लागि औपचारिक सम्झौता गर्ने तयारी भएको थियो ।
तर, हिमालय बैंकका संञ्चालकले सिभिल बैंकले माग गरेको स्वाप रेसियो कायम गर्न आनाकानी गरेपछि सम्झौता रोकिएको बताइएको छ । गत वर्ष नेपाल इन्भेष्टमेन्ट बैंकसँगको मर्जर सम्झौता भाँडीएपछि हिमालयन बैंक राष्ट्र बैंकको कारबाहीमा छ ।
राष्ट्र बैंकले शाखा विस्तारदेखि विभिन्न सुविधामा रोक लगाएको हिमालयन बैंकलाई एक वर्षभित्र मर्जरमा जान निर्देशन दिएको छ । इन्भेष्टमेन्ट बैंकले भने मेगा बैंकसँग मर्जर सम्झौता गरेर राष्ट्र बैंकबाट शैद्धान्तिक सहमति पाइसकेको छ ।
