काठमाडौं । प्राइम लाइफ इन्सुरेन्सको १२.५% बोनस सेयर पारित भएको छ । कम्पनीको मंगलबार (असोज ७ गते) सम्पन्न विशेष साधारण सभाले बोनस अनुमोदन गरेको हो ।
बोनस सेयर पारित भएसँगै कम्पनीको चुक्ता पूँजी २ अर्ब ७९ लाख ३९ हजार ३ सय ७५ रुपैयाँ पुगेको छ । बोनस वितरण अघि कम्पनीको चुक्ता पूँजी १ अर्ब ७८ करोड ४८ लाख ३५ हजार रुपैयाँ रहेको थियो ।
प्राइम लाइफले आर्थिक वर्ष २०७४/७५ को नाफाबाट बोनस सेयर दिएको हो । कर तिर्न नगद लाभांश पनि व्यवस्था गरेको छ । प्राइमले पनि आर्थिक वर्ष २०७५/७६ को लाभांश भने घोषणा गर्न बाँकी छ ।
सभा प्रयोजनका लागि प्राइमले भदौ ३१ गते बुक क्लोज गरेको थियो । भदौ ३० गते कायम सेयरधनीले मात्र लाभांश पाउनेछन् । प्राइमले गत आर्थिक वर्षको अन्त्यसम्ममा ३१ करोड ३० लाख ९७ हजार रुपैयाँ खुद नाफा कमाएको छ ।
