काठमाडौं । काठमाडौंबाट चिनियाँ शहर छेन्दु पुनः सिधा हवाई सेवा सुरू भएको छ । कोरोना महामारीका कारण रोकिएको यस रुटमा फेरि झन्डै साढे २ वर्षपछि सिधा उडान सुरू भएको हो ।

नेपालस्थित चिनियाँ दूतावासले छेन्दु–काठमाडौ–छेन्दु रुपमा उडान सुरु भएको जानकारी गराएको छ । यो रुटमा चिनियाँ कम्पनी एयर चाइनाले उडान सुरू गरेको हो ।

एयर चाइनाले यो रुटमा साताको एक उडान (आइतबार) गर्ने गरी अनुमित लिएको नेपाल नागरिक उड्डयन प्राधिकरणले जनाएको छ ।