काठमाडौं । वैशाख ३० गते चुनावका दिन नेपाल पर्यटन बोर्डले सटल बस सेवा संचालन गर्ने भएको छ । बोर्डले पर्यटकको सुविधाको लागि सटल बस सेवा संचालन गर्ने भएको हो ।
काठमाडौंमा हवाई यात्रुहरूलाई विमानस्थल र होटलबीच हुन सक्ने यातायातको असुविधालाई ध्यानमा राखी बोर्डले पर्यटक प्रहरीको सहयोग तथा नेपाल टुरिजम भेहिकल एशोसिएसन र टुरिजम बस एशोसिएसनको समन्यवमा उक्त बस सेवा संचालन गर्ने भएको हो ।
बोर्डले त्रिभुवन अन्तरराष्ट्रिय विमानस्थलदेखि विभिन्न होटल तथा होटलदेखि विमानस्थलसम्म आवात–जावतको लागि विभिन्न रुटहरुमा सःशुल्क सटल बस संचालन गर्ने व्यवस्था मिलाएको हो ।
सटल बस सेवावापत प्रतिव्यक्ति ३०० रुपैयाँ शुल्क लाग्ने बोर्डले जनाएको छ । सशुल्क सटल बस काठमाडौंका ३ रुटमा चल्नेछन् ।
यस्तो छ रुट
रुट १ : एअरपोर्ट-एनएसी-होटल अन्नपूर्ण-होटल याक एण्ड यति-ठमेल चोक-लैनचौर चोक-शंकर होटल -एम्बासडर होटल -एअरपोर्ट
रुट २ : एअरपोर्ट-होटल र्याडिशन-सांग्रिला होटल-नारायण गोपाल चोक-महाराजगंज चोक-हायात रिजेन्सी-चाबहिल चोक-होटल द्धारिका-एअरपोर्ट
रुट ३ : एअरपोर्ट- तीनकुने चोक-होटल एभरेष्ट-माइतिघर चोक-होटल हिमालयन-होटल सोल्टी-ग्रान्ड होटल -एअरपोर्ट ।
