काठमाडौं । वायुसेवा सञ्चालक सङ्घ, नेपालले यही वैशाख ३० गते मानवीय उद्धार, सहायता उडान एवं सरकारको निर्देशनमा हुने उडान बाहेकका सबै नियमित आन्तरिक सेवा बन्द गर्ने बताएको छ ।
निर्वाचन आयोगको ‘स्थानीय तह सदस्य निर्वाचन, २०७९ को मतदान हुने दिनको सवारी आवागमन व्यवस्थापनसम्बन्धी मापदण्ड, २०७९ अनुसार सङ्घमा आबद्ध सबै वायुसेवाले आन्तरिक उडान बन्द गर्न लागेका हुन् । सङ्घले आज एक विज्ञप्ति जारी गरी उक्त जानकारी दिएको हो ।
यद्यपि, चुनावका दिन अन्तराष्ट्रिय हवाई उडान भने नियमित रुपमै संचालन हुनेछ । यस्तै, सो दिन सबै सार्वजनिक गाडी पनि संचालन गर्न पाइन्े छैन । निजी सवारीसाधन भने पास लिएर चलाउने पाइने छ ।
