काठमाडौं । त्रिभुवन अन्तर्राष्ट्रिय विमानस्थलबाट हुने आन्तरिक उडान केही समयका लागि बन्द गरिएको छ । विमानस्थल परिसरमा बम रहेको भन्दै अज्ञात व्यक्तिले फोन गरेपछि आन्तरिक उडानका सबै यात्रुहरुलाई विमानस्थल बाहिर निकालिएको हो ।
आज विहानै एक अज्ञात व्यक्तिले टेलिफोन गरी डोमेस्टिक टर्मिनलमा ६ वटा बम रहेको भनेपछि सबै यात्रुलाई बाहिर निकालेर सर्च अप्रेसन जारी राखेको विमानस्थल कार्यालयले जनाएको छ ।
अहिले विमानस्थल परिसरमा तालिमप्राप्त कुकुरसहितका सुरक्षाकर्मीहरुले सर्च गरिरहेका छन् । साथै नेपाली सेनाको बम डिस्पोजल टोली पनि विमानस्थलमा पुगेको छ ।
बम आतंकले गर्दा आन्तरिक उडान बन्द गरिए पनि अन्तर्राष्ट्रिय उडानहरु नियमित रुपमा भइरहेको विमानस्थल कार्यालयले जनाएको छ ।
