काठमाडौं । निजी क्षेत्रको वायुसेवा प्रदायक बुद्ध एयरको जहाजमा बेवारिसे अवस्थामा १० हजार ८०० अमेरिकी डलर भेटिएको छ ।
त्रिभुवन अन्तर्राष्ट्रिय विमानस्थलको आन्तरिक उडानतर्फ पार्किङ स्थलमा पार्क गरिराखिएको जहाजबाट १०० दरका १०८ वटा नोट प्रहरीले बरामद गरेको हो ।
शनिबार भद्रपुरबाट काठमाडौं अवतरण गरेको विमानको सिटमा छालाको ह्यान्ड ब्यागभित्र बेवारिसे अवस्थामा रहेको उक्त डलर फेला पारीएको हो ।
प्रहरीले बरामद डलर आवश्यक कारबाहीका लागि राजस्व अनुसन्धान विभाग हरिहरभवन पुल्चोक पठाएको छ । प्रहरीले उक्त डलर आफ्नो रहेको प्रमाणसहित दाबी गर्न आग्रह समेत गरेको छ ।
