काठमाडौं । रमेश कर्प प्रालिले आफ्ना संस्थापक स्वर्गीय रमेश गुप्ताको जन्मदिनको अवसर (मार्च १८)मा पहिलो स्थापना दिवस मनाएको छ ।
कम्पनीले स्वर्गीय गुप्ता र उनले सानै उमेरदेखि व्यापारिक साम्राज्य निर्माण गर्न गरेको संघर्ष र प्रयासप्रति समर्पित गर्दै स्थापना दिवस मनाएको हो ।
यस कम्पनीका नेपाल भरी १७ विभिन्न व्यापारिक संगठनहरु छन् । स्थापना दिवस मनाउन कम्पनीका नेपालभरका कर्मचारीहरू भेला भएका थिए ।
स्थापना दिवसका दिन विभिन्न कार्निभल, रमाइलो खेलहरु, अन्तरक्रियात्मक गतिविधिहरूका साथै औपचारिक कार्यक्रम अन्तर्गत स्टार पर्फर्मेन्स र अन्य मनोरञ्जनात्मक गतिविधिहरु आयोजना गरिएको थियो।
त्यस्तै उत्कृष्ट काम गर्ने कर्मचारीहरुलाई उनीहरुको कडा परिश्रम र कम्पनीप्रतिको लगावको लागि सम्मान पनि गरिएको थियो ।
रमेश कर्पका उपाध्यक्ष सुशील गुप्ताले भने, ‘हाम्रो संस्थापक तथा मेरा पिता स्वर्गीय श्री रमेश गुप्ता कम्पनीलाई फगत एउटा कम्पनी मात्र नभएर एउटा परिवार बनाउनुपर्छ भन्ने मान्यतामा दृढ विश्वास राख्नुहुन्थ्यो । आजको दिन यस रमेश कर्प परिवारमा हामीले बनाएका सदाचारहरु सम्झिने दिन हो र त्यसलाई मनाउने दिन हो । र यो स्थापना दिवस वहाँँको विश्वास, मान्यता र सिद्धान्तहरु प्रतिको सम्मान हो र वहाँँको विरासतलाई हामी सबैले निरन्तरता दिनुपर्छ ।’
उपाध्यक्ष रोहित गुप्ताले भने, “हाम्रा कर्मचारीहरु हाम्रो संगठनात्मक संस्कृतिको प्रतिबिम्ब हुन् । हामी हाम्रा ५ मूल मान्यताहरुः अग्रगमन, निष्ठा, गति,आधिकारिकता र व्यावसायिकताको साथ “सँगै अगाडि बढ्ने” मान्यतामा विश्वास गर्छौँ र यसले नै हामीलाई हाम्रो साझेदारहरुसँग एकताबद्ध हुन र उनीहरूको व्यक्तिगत र संगठनात्मक वृद्धि र विकासमा नेतृत्व प्रदान गर्न सहयोग गर्छ ।”
