काठमाडौं । चन्द्रागिरि हिल्सले महाशिवरात्रिको अवसरमा केबलकार टिकटमा २५ प्रतिशत छुट दिने भएको छ । कम्पनीले शिवरात्रिका दिन भालेश्वर महादेवको दर्शन गर्न आउने दर्शनार्थीहरुलाई लक्षित गर्दै यस्तो अफर ल्याएको हो ।
हाल चन्द्रागिरि केबलकारको दुईतर्फि टिकटको मूल्य ७०० रुपैयाँ रहेको छ । आज उक्त केबलकार चढ्नेले २५ प्रतिशत अर्थात् १७५ रुपैयाँ छुट पाउनेछन् ।
कम्पनीले ऐतिहासिक, सांस्कृतिक तथा प्राकृतिक महत्व बोकेको चन्द्रागिरि डाँडामा हिल्सले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल तथा रिर्सोट, जिपलाइन लगायतका पूर्वाधार निर्माण गरी चन्द्रागिरि डाँडालाई एकीकृत पर्यटकीय गन्तव्यको रुपमा विकास गरिरहेको छ ।
