काठमाडौं । प्रभु बैंक लिमिटेडले सुनसरी जिल्लाको बराहक्षेत्र नगरपालिका वडा नं. ०५ स्थित कालाबञ्जरमा नयाँ शाखा सञ्चालनमा ल्याएको छ । यो प्रभुको १९५ औं शाखा कार्यालय हो ।
नयाँ शाखा कार्यालयको समुद्घाटन एक समारोहकाबीच बराहक्षेत्र नगरपालिकाका नगरप्रमुख निलम खनालले गरेका हुन् ।
यस शाखा कार्यालयबाट बैंकको गुणस्तरीय एवं अत्याधुनिक प्रविधियुक्त बैंकिङ्ग सेवा प्रवाह हुनेभएकोले स्थानीय बासिन्दा, सर्वसाधारण, व्यवसायिक फर्म, कम्पनी तथा संघ संस्थाहरु लाभान्वित हुने बैंकले विश्वास लिएको छ ।
बैंकले हाल देशभरका १९५ शाखा, २९ एक्टेन्सन काउण्टर, १९ शाखा रहित बैंकिङ्ग तथा १५२ एटीएम मार्फत बैंकिङ्ग सेवा प्रदान गर्दै आएको छ ।
